Mae ein cefnogaeth gwnsela yn helpu ceiswyr gwaith i fynd i’r afael â rhwystrau iechyd meddwl i gyflogaeth. Gall therapïau siarad helpu pobl i ddatblygu strategaethau ymdopi, gwella hunan-barch a meithrin gwydnwch, gan eu gadael yn fwy abl i ymgysylltu â chymorth cyflogadwyedd a’u symud yn agosach at y farchnad lafur.

Mae cyflyrau iechyd cleientiaid wedi cynnwys pryder, iselder, PTSD, galar, pryder cymdeithasol a straen; nid oes angen diagnosis ffurfiol i gael mynediad at ein cymorth cwnsela. Yn dilyn asesiad cychwynnol gyda’n Cydlynydd Gwasanaethau Cwnsela, mae cleientiaid fel arfer yn derbyn rhwng chwech a deg sesiwn o gefnogaeth naill ai wyneb yn wyneb, dros y ffôn neu ar-lein.

Mae ein tîm cwnsela yn cynnwys cwnselwyr gwirfoddol a myfyrwyr cwnsela MSc trwy ein partneriaeth hirhoedlog â Phrifysgol Bangor. Mae defnyddio myfyrwyr a gwirfoddolwyr yn ein galluogi i gynnig cwnsela cyflogaeth am bris fforddiadwy, wrth gefnogi cwnselwyr newydd yn eu datblygiad gyrfa.